Нидерландиялик машҳур собиқ футболчи Марко ван Бастен бугунги кунда дунёнинг энг яхши футболчиси ким эканини айтди.
Собиқ ҳужумчи "Барселона"нинг 18 ёшли вингери Ламин Ямални эътироф этди.
"Шубҳасиз, Ямал айни дамда дунёнинг энг яхши футболчиси. Умид қиламанки, биз унинг ўйинидан имкон қадар узоқроқ завқ оламиз," - дея 61 ёшли нидерландияликнинг сўзларини келтиради Barca Universal.
"Кўк-анорранглилар"нинг ёш юлдузи Ханс-Дитер Флик жамоаси сафида жорий мавсумда 20 та баҳсда 9 та гол урди ва 11 та голли узатмани амалга оширди. "Олтин тўп-2025" учун курашда испаниялик "ПСЖ" вакили Усмон Дембеледан кейин иккинчи ўринни эгаллади.
