Мадриднинг "Реал" клуби "ПСЖ" ярим ҳимоячиси Витиньянинг шартномасида 90 млн евро миқдоридаги товон пули бор-йўқлиги ҳақида аниқ маълумотга эга эмас, аммо агар у ҳақиқатан ҳам мавжуд бўлса, "қаймоқранглилар" президенти Флорентино Перес уни фаоллаштиришга тайёр. Бу ҳақда Defensa Central хабар бермоқда.
Аввалроқ ОАВ португалиялик футболчини 2026 йилги жаҳон чемпионатидан кейин 90 млн еврога сотиб олиш мумкинлиги ҳақида ёзганди.
Манбага кўра, Витиньянинг шартномасида товон пули ҳақида кўрсатилган банднинг мавжудлиги жуда муҳим омил, акс ҳолда "ПСЖ" клублар ўртасидаги кескин муносабатлар туфайли футболчини "Реал"га сотмайди.
Жорий мавсумда Витинья барча мусобақаларда 23 та ўйинда майдонга тушиб, бешта гол ва саккизта ассист қайд этди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 110 млн еврони ташкил этади.
