"Бавария" футболчиси Жонатан Та жамоадоши Дайо Упамеканонинг келажаги ҳақидаги фикрлари билан ўртоқлашди.
27 ёшли французнинг шартномаси ярим йилдан кейин якунланади. Мюнхенликлар янги битим тузиш устида ишламоқда, бироқ келишувга эришилмаган.
"Ўйлашимча, Дайо учун "Бавария" жуда қулай, бу ҳақда унинг ўзи ҳам кўп гапирган. У анчадан бери шу ерда ва мураббий унга нима таклиф қилиши мумкинлигини билади. Бизда яхши жамоа, жамоада ажойиб муҳит бор, бу ҳам қадрли. Аммо қарорни Упамеканонинг ўзи қабул қилиши керак," - дея жавоб берди Жонатан Ta Abendzeitung нашрига берган интервьюсида.
Дайо Упамеканога "Ливерпуль", "ПСЖ", "Реал" ва Европанинг бошқа топ-клублари қизиқиш билдирмоқда.
