"Бавария" марказий ҳимоячиси Жонатан Та Мюнхенга қандай кўчиб ўтганини эслади.

Германиялик футболчи ўтган ёзда ўзи ўн йил давомида тўп тепган "Байер"дан мамлакатнинг энг совриндор клуби сафига қўшилган эди.

"Компания ҳал қилувчи роль ўйнади. У мени ишонтира олди - мен унинг раҳбарлиги остида такомиллашишимни ҳис қилдим. Мураббийдан кўп нарса ўргандим, чунки у ўз вақтида менинг позициямда энг яхши ўйинчилардан бири эди. Энг муҳими - у ҳақиқий етакчи," - деди 29 ёшли футболчи Abendzeitung нашрига берган интервьюсида.

Жонатан Та "Бавария" сафида 27 та ўйинда майдонга тушиб, 2 та гол ва 3 та голли узатмага муаллифлик қилган.