"Манчестер Юнайтед"нинг собиқ ярим ҳимоячиси Пол Скоулз ўзини Стивен Жеррард билан таққослади.
Иккала инглиз ҳам Премьер-лига тарихидаги ўз позициясининг энг яхши вакиллари қаторига киради, аммо "қизил иблислар"нинг собиқ ярим ҳимоячиси "Ливерпуль" афсонасини афзал кўрди.
"Менми ёки Жеррардми? Жеррард. У жисмонан кучлироқ, ўйинлар тақдирини тез-тез ҳал қилиб турарди. У ҳамма нарсани ўз зиммасига олиши керак бўлган жамоада ўйнади, мен эса жамоанинг бир қисми эдим, тушуняпсизми? "Манчестер Юнайтед"да унинг "Ливерпуль"даги каби ваколатларга эга эмасдим," - дея 2013 йилда фаолиятини якунлаган Скоулзнинг жавобини келтиради The Touchline.
Стивен Жеррард 1997 йилдан 2015 йилгача "Ливерпуль"нинг асосий жамоасида ўйнаган ва 2016 йилда фаолиятини якунлаган.
