"Манчестер Юнайтед" ярим ҳимоячиси Кобби Майну жонажон клубига ўзини кўрсатиб қўймоқчи.
20 ёшли англиялик ҳамон мунтазам ўйин амалиётига эга бўлиш учун январь ойида ижара асосида "Наполи"га ўтишни режалаштирмоқда.
Журналист Бен Жейкобснинг маълум қилишича, Майну аввалроқ Скотт Мактоминай каби Неаполда ўзини ёрқин кўрсатишни, кейин эса Манчестерга "эски хатоларни такрорламанг" деган маънода қайтишни истайди.
Эслатиб ўтамиз, "қизил иблислар" Скотт Мактоминайни 2024 йилнинг ёзида "Наполи"га сотиб юборган эди. Манкунианликлар тарбияланувчиси Италиядаги дебют мавсумини ажойиб ўтказди: у Антонио Конте жамоасига А Серияда ғалаба қозонишга ёрдам берди ва чемпионатнинг энг яхши футболчиси деб топилди.
