"Кристал Пэлас"нинг австриялик 51 ёшли устози Оливер Гласнер мавсум якунлангач жамоани тарк этади. Бу ҳақда футбол инсайдери Фабрицио Романо хабар бермоқда.
Журналистнинг маълум қилишича, мураббий 2026 йилнинг ёзида якунланадиган шартномани узайтириш ниятида эмас. Аввалроқ, Гласнер Арне Слот истеъфога чиқарилган тақдирда "Ливерпуль" бош мураббийлигига номзодлардан бири экани маълум бўлганди.
Гласнер қўл остида "Кристал Пэлас" Англия кубоги ва Суперкубогини қўлга киритди. Жамоа АПЛнинг бу мавсумида 17-турдан кейин 26 очко жамғариб, саккизинчи ўринда бормоқда.













