“Андижон”нинг қишки селекция ишлари жараёнидаги яна бир янги хариди эълон қилинди.

Бу сафар жамоа иқтидорли ҳимоячи Одил Абдумажидов билан шартнома имзолади.

Клуб мухлислари учун ушбу футболчи жуда яхши таниш. Асли андижонлик ушбу ўйинчи 2001 йилинг 1 июнь санасида таваллуд топган. Андижонда айнан катта футболга кирган. 

Фаолияти мобайнида “Металлург”, “Олимпик”, “Динамо”, “Шўртан”, шунингдек, Қозоғистоннинг “Ордабаси” ва “Турон” клубларида тўп тепган.

Абдумажидов ҳозирга қадар фаолияти давомида 130 та ўйинда майдонга тушган. 5 та гол урган ва 3 та ассистни бажарган. 2022 йилда “Ордабаси” билан Қозоғистон Кубогини қўлга киритган.