"Манчестер Юнайтед" бош мураббийи Рубен Аморим "Ньюкасл"га қарши ўйиндан сўнг (1:0) фикр билдирди.
Учрашув тақдирини 24-дақиқада Патрик Доргунинг голи ҳал қилди.
"Бугун барчамиз азоб чекишга мажбур бўлдик, жуда оғир бўлди. Ўйлашимча, биринчи бўлимни яхши ўтказдик, иккинчи бўлимда эса шунчаки ҳимояландик ва олдинда Куньяга умид боғладик. Қимматли ғалаба. Яхши ўйин кўрсатиб, уч очко ололмаган ўйинларимиз кўп бўлди. Бугун ҳаммаси аксинча бўлди. Жамоа бир ёқадан бош чиқариб курашди ва натижага эришди," - деди Аморим интервьюда.
"Қизил иблислар" 18-турдан кейин 29 очко жамғариб, АПЛ турнир жадвалида бешинчи ўринга кўтарилиб олди.
