"Manchester Yunayted" bosh murabbiyi Ruben Amorim "Nyukasl"ga qarshi o‘yindan so‘ng (1:0) fikr bildirdi.
Uchrashuv taqdirini 24-daqiqada Patrik Dorguning goli hal qildi.
"Bugun barchamiz azob chekishga majbur bo‘ldik, juda og‘ir bo‘ldi. O‘ylashimcha, birinchi bo‘limni yaxshi o‘tkazdik, ikkinchi bo‘limda esa shunchaki himoyalandik va oldinda Kunyaga umid bog‘ladik. Qimmatli g‘alaba. Yaxshi o‘yin ko‘rsatib, uch ochko ololmagan o‘yinlarimiz ko‘p bo‘ldi. Bugun hammasi aksincha bo‘ldi. Jamoa bir yoqadan bosh chiqarib kurashdi va natijaga erishdi," - dedi Amorim intervyuda.
"Qizil iblislar" 18-turdan keyin 29 ochko jamg‘arib, APL turnir jadvalida beshinchi o‘ringa ko‘tarilib oldi.













