"Ливерпуль" ҳимоячиси Виржил ван Дейк "қизиллар" учун 2025 йил якунларини сарҳисоб қилди.
"Агар футбол ҳақида гапирадиган бўлсак, бу йил, юмшоқ қилиб айтганда, ноаниқ бўлди. Таркибимизда кўп ўзгаришлар бўлди. Баъзи футболчилар кетди, баъзилари келди. Ўйлайманки, барқарорлик борасида биз ҳали ўз имкониятларимизни максимал даражада кўрсата олганимиз йўқ, десак, тўғри бўлади.
Яхши ўйинлар ва эсда қоларли ғалабаларга эришдик, аммо қийинчиликлар ҳам бўлди. Сардор сифатида, менга ишонинг, мен бу оғир лаҳзаларга бошқа ҳар қандай одам каби чидай оламан," - дея ван Дейкнинг сўзларини келтиради The Times.
