"Арсенал" "Брюгге" ярим ҳимоячиси Александр Станкович трансфери учун курашга киришди.
Caught Offside нашри тарқатган хабарга кўра 20 ёшли футболчига "канонирлар" жиддий қизиқиш билдирмоқда. Лондон клуби мураббийлар штабига ёш ҳавбекнинг ўйин услуби ва етакчилик сифатлари ёқади.
Аммо муаммо шундаки, "Интер"да 2026 йилнинг ёзида Станковични 23 миллион еврога қайта сотиб олиш варианти бор (2027 йилда сумма 25 миллион еврога ошади) ва миланликлар футболчи шартномасидаги ушбу бандни фаоллаштирмоқчи. Шунингдек, сербиялик футболчини "Тоттенхэм" ҳам ўз сафига қўшиб олмоқчи.
Александр Станкович шу йилнинг ёзида "Интер"дан 9 миллион евро эвазига "Брюгге"га ўтганди. У Бельгия жамоаси сафида 29 та ўйинда майдонга тушиб, 2 та гол урган ва 2 та голли узатмани амалга оширган.
