Мюнхеннинг "Бавария" клуби ҳужумчиси Николас Жексоннинг манфаатларини ҳимоя қилаётган футбол агенти Али Барат сенегаллик футболчининг келажаги ҳақида фикр билдирди.
"Жексонни олдинда Африка Кубоги ва Мюнхенда ярим йил кутмоқда. Бундан кейин нима бўлиши ҳақида ўйлашга ҳали эрта. Мавсум якунида Николаснинг келажагини муҳокама қиламиз. Барча вариантларни кўриб чиқамиз ва ҳал қиламиз," - дея агентнинг сўзларини келтиради инсайдер Николо Скира ижтимоий тармоқларда.
Эслатиб ўтамиз, сенегаллик футболчи "Бавария" сафида ижара асосида тўп тепмоқда. Ҳужумчининг тўлиқ шартномаси Лондоннинг "Челси" клубига тегишли.
Жексоннинг Transfermarkt порталидаги нархи 45 миллион еврога баҳоланмоқда.
