"Наполи" Мадриднинг "Реал" клуби қанот ҳужумчиси Франко Мастантуоно трансферига қизиқиш билдирмоқда.
Неаполликлар 18 ёшли футболчининг трансфери учун жорий қишда 50 млн евро беришга тайёр. Бу ҳақда Defensa Central хабар бермоқда.
Манбага кўра, "Қироллик клуби" Мастантуонони сотмоқчи эмас ва у мавсумнинг иккинчи қисмида ўзининг энг яхши формасини кўрсатишига умид қилмоқда.
Жорий мавсумда Мастантуоно барча мусобақаларда 14та ўйинда майдонга тушиб, 1та гол ва 1та ассистни ўз ҳисобига ёздириб қўйди. Футболчининг клуб билан амалдаги меҳнат шартномаси 2031 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 50 млн еврони ташкил этади.
