"Napoli" Madridning "Real" klubi qanot hujumchisi Franko Mastantuono transferiga qiziqish bildirmoqda.

Neapolliklar 18 yoshli futbolchining transferi uchun joriy qishda 50 mln yevro berishga tayyor. Bu haqda Defensa Central xabar bermoqda.

Manbaga ko‘ra, "Qirollik klubi" Mastantuononi sotmoqchi emas va u mavsumning ikkinchi qismida o‘zining eng yaxshi formasini ko‘rsatishiga umid qilmoqda.

Joriy mavsumda Mastantuono barcha musobaqalarda 14ta o‘yinda maydonga tushib, 1ta gol va 1ta assistni o‘z hisobiga yozdirib qo‘ydi. Futbolchining klub bilan amaldagi mehnat shartnomasi 2031 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 50 mln yevroni tashkil etadi.