Фарғонанинг "Нефтчи" клуби 2025 йилги мавсумда чемпионлик шоҳсупасини эгаллаб, миллионлаб мухлисларини қувонтирди.
Янги мавсумда жамоа нафақат бу муваффақиятни мустаҳкамлашни, балки халқаро майдонларда ҳам муносиб ўйин кўрсатиб, Фарғона ва Ўзбекистон шарафини баланд кўтаришни мақсад қилган. Шу сабабли клуб таркибини янада маҳоратли ва истеъдодли футболчилар билан бойитиш йўлида иш олиб бормоқда.
Танишинг: бразилиялик моҳир ярим ҳимоячи Журани Франсиско Ферейра, яъни Ратиньо. У 1996 йил 1 октябрда Бразилиянинг Cавалcанте шаҳрида туғилган. Футболчилик фаолиятини 2017 йилда “Арапонгас” жамоасида бошлаган, кейинчалик “Итаберал”, “Итабаиана”, “Гоиас”, 2019/20 йилларда Жанубий Кореянинг “Гванжу” жамоасида, 2021 йилда эса ўз юрти жамоаларида: “Пайсанду”, “Лондрина”, “Ботафого-ПБ”, “Ретро”, “Магуарй” ва 2024 йилдан Ўзбекистоннинг “Динамо” жамоасида ўйнаган.
Ратиньо Ўзбекистон Суперлигаси ва Кубоги мусобақаларида жами 22 та ўйинда майдонга тушиб, 2 та гол урди ва 3 та голли узатмага муаллифлик қилди. Икки мавсумдан бери мамлакатимизда тўп суриб, ажойиб ўйин намойиш этаётган бразилиялик футболчи билан "йўлбарслар" билан икки йиллик шартнома имзолади.
