"Арсенал" ярим ҳимоячиси ва сардори Мартин Эдегор Англия чемпионатининг 18-туридан ўрин олган "Брайтон"га (2:1) қарши ўйинга ўз муносабатини билдирди.
- Ўйин охири осон бўлмади, лекин ўйлашимча, яхши учрашув ўтказдик. Биз бошиданоқ устунлик қилдик, охирига келиб улар кичик мотивацияга эга бўлишди, аммо биз муҳим уч очкони қўлга киритдик," - деди Эдегор.
Баҳс 27 декабрь куни бўлиб ўтди ва 2:1 ҳисобида "канонирлар" фойдасига ҳал бўлди. Эдегор бу учрашувда жорий мавсумдаги илк голини урди. Лондон жамоаси АПЛда 42 очко билан биринчи ўринга қайтди.
