"Ювентус" бош мураббийи Лучано Спаллетти А Серия 3-туридан ўрин олган "Пиза"га (2:0) қарши ўйиндан сўнг ўз фикрларини билдириб ўтди.
"Биз жуда секин ўйнадик. Иккинчи бўлимнинг бошланғич ва сўнгги 6-7 дақиқаси муваффақиятсиз ўтди - "Пиза" анча муаммо туғдирди, аммо омадимиз келди. Умуман олганда, иккинчи бўлимда яхшироқ ўйнадик, ижодкорроқ бўлдик. Жарима майдони ичида бўш зоналарни тобора кўпроқ топишга муваффақ бўлдик, шунинг учун гол пишиб етилаётганди. Аммо биз яхшироқ ишлашимиз керак," - деди Спаллетти Sky Sport Italia нашрига берган интервьюсида.
"Ювентус" А Серия турнир жадвалида учинчи ўринда бормоқда, бироқ барча рақибларда битта-иккита захира ўйини қолган.
