"Тоттенхэм" бош мураббийи Томас Франк жамоанинг Англия чемпионатининг жорий мавсумидаги муваффақиятсиз натижалари ҳақида гапирди.
"Бу нормал ҳолат. Бу менинг фаолиятимда биринчи марта натижа дарҳол келмаслиги эмас, лекин вақт ўтиши билан бу содир бўлади. Шундай бўлишини биламан. "Брондбю"да дастлабки саккиз ўйинда ғалаба қозона олмадим, кейин эса тўққизта ўйинда мағлубиятга учрамадик. "Брентфорд"да ўнта ўйиндан саккизтасида мағлубиятга учрадик, кейин эса ўнта учрашувда мағлубиятга учрамадик. Шунинг учун ишончим комилки, биз яна шунга ўхшаш манзарани кўрамиз," - дея Франкнинг сўзларини келтиради журналист Аласдер Голд.
Франк "Тоттенхэм"ни жорий йилнинг ёзида қабул қилиб олганди. Ортда қолган 17 ўйиндан сўнг "шпорлар" 22 очко билан турнир жадвалида 14-ўринда бормоқда.
