"Милан"нинг собиқ ҳужумчиси Кристиан Вьери (2005 йилда бир неча ой давомида клубда ўйнаган) Еврокубокларнинг йўқлиги клуб учун катта устунлик эканлигига шубҳа қилмайди.
"Бу катта устунлик, лекин барибир ўйнаб очко тўплаш керак, чунки ҳеч ким уни шунчаки бериб қўймайди. "Милан" етакчилар билан яхши ўйнайди, кейин эса ўртамиёналар ва аутсайдерлар билан очко йўқотади," - дея Вьерининг сўзларини келтиради pianetamilan.it.
Эслатиб ўтамиз, "Милан" айни дамда Италия А Серияси турнир жадвалида 2-ўринни эгаллаб турибди. Клуб охирги марта 2022 йилда - Стефано Пиоли бошқарувида Италия чемпиони бўлганди.
