2026 йилги мавсум олдидан селекция ишларини давом эттираётган «Динамо» жамоаси навбатдаги футболчи билан шартнома имзолаганини маълум қилди.

Ўтган мавсумларни «Бунёдкор» сафида ўтказиб, 130та ўйинда майдонга тушган Расул Йўлдошев «Динамо» ПФК билан бир йиллик шартнома имзолади.

Вадим Абрамов қўл остидаги ўйинлари билан танилган 25 ёшли ярим ҳимоячи Ўзбекистон U21 ва олимпия жамоаларида ҳам тўп сурган. У ўтган мавсум 27 ўйинда майдонга тушган.

Биография: Расул Ҳамза ўғли Йўлдошев
Туғилган санаси: 26 октябр, 2000 йил.
Туғилган жойи: Самарқанд вилояти, Нарпай тумани
Амплуаси: Ярим ҳимоячи
Тўп сурган клублари: ОКМК (2019), «Бунёдкор» (2020-2025);