"Ливерпуль" марказий ҳимоячиси Виржил ван Дейк Англия чемпионатининг 18-туридан ўрин олган "Вулверхэмптон"га қарши ўйиндаги ғалаба ҳақида гапирди. Мерсисайдликлар аутсайдерни 2:1 ҳисобида таслим этди.
"Оғир ўйин бўлди. Биринчи бўлимда яхши футбол намойиш этдик, икки марта гол урдик. Танаффусдан сўнг рақиб босим ўтказа бошлади ва орадаги фарқни қисқартиришга муваффақ бўлди... Бу ғалаба биз учун жуда муҳим. Жароҳатларимиз ва футболчиларнинг йўқлигига қарамай, уч очкони қўлга киритмоқдамиз," - дея нидерландиялик футболчининг сўзларини келтиради клуб матбуот хизмати.
Арне Слот шогирдлари 32 очко жамғариб, Англия чемпионати турнир жадвалида тўртинчи ўринни эгаллаб турибди.
