Сенегал терма жамоаси бош мураббийи Пап Тиау ўз шогирдларининг Конго ДР билан ўйиндаги дуранг натижасига муносабат билдирди. Африка Кубогининг 2-туридан ўрин олган ўйин 1:1 ҳисобида якунланди.
"Натижа бироз ачинарли. Ўйин тақдирини биринчи бўлимда ҳал қилишимиз мумкин эди, аммо бундай қилмадик. Мен ҳақиқатан ҳам қадрлаганим, гол ўтказиб юборганимдан кейин футболчиларимнинг реакцияси эди", - дея мураббийнинг сўзларини келтиради Yahoo Sports.
Сенегал ва Конго ДР 4 очкодан, Бенин 3 очко, Ботсвана 1 очкодан жамғарган. 30 декабрь куни Сенегал Бенин билан ўйнайди.
