"Ньюкасл" хавбеки Жоэлинтон Туманли Албионни Яқин Шарққа алмаштириши мумкин. Teamtalk нашри тарқатган хабарга кўра бразилиялик футболчининг трансферига Саудия Арабистони чемпионати клублари қизиқиш билдирмоқда. Ўтиш январь ойидаги трансфер ойнасида расмийлаштирилиши мумкин.
29 ёшли бразилиялик 2019 йил ёзидан буён "қирқлар" сафида тўп тепиб келмоқда. Жоэлинтон ва "Ньюкасл" ўртасидаги амалдаги меҳнат шартномаси муддати 2028 йил июнь ойи охирида тугайди. Футболчининг бозор нархи 30 миллион еврога баҳоланмоқда.
Англия премьер-лигасининг жорий мавсумида бразилиялик футболчи 14та ўйинда майдонга тушди ва 3та сариқ карточка олди.
