Халқаро антидопинг агентлиги хабарига кўра, жаҳон бўйлаб ўтказилган таҳлиллар хулосалари юзасидан 250 нафар футболчи допинг истеъмол қилганликда айбланиб, шулар юзасидан тергов олиб бориладиган бўлган.
Текширув натижалари ҳақида хабар берилмаган. Аммо қайд этиш жоиз, ташкилот томонидан 27177 та тест ўтказилган бўлиб, шулардан 5041таси мусобақалардан ташқари олиб борилган.
Айни пайтда WADA допингга қарши қон тестларининг олиниши ҳолатларининг сонидан келиб чиқиб футбол рахбарларини танқид қилган. Маълум бўлдики, ФИФА бундай тестларни мусобақалардан ташқари атиги тўрт маротаба ўтказган.
Маълумотларда келтирилишича, УЕФА турнирлар давомида 132та қон таҳлилларини ўтказган, шунингдек бундай текширишлар 191 марта мусобақалардан ташқари ҳолатда олиб борилган. Ушбу тестлар натижаларига кўра ҳеч кимда допинг қабул қилганлик аломатлари учрамагани айтилмоқда.
