"Ливерпуль" ва "Ньюкасл" клубларининг собиқ ҳужумчиси Энди Кэрролл 30 декабрь куни суд олдида жавоб беради.
The Telegraph хабарига кўра, Англия 6-лигаси вакили "Дагенхем" шарафини ҳимоя қилаётган Кэрролл шу йилнинг апрель ойида қўлга олинган. 2025 йил март ойида Энди суднинг яқинлашиш тақиқини бузди. Ишнинг бошқа тафсилотлари қонуний сабабларга кўра хабар қилинмаяпти.
Яқинлашишни тақиқлашни бузиш жиноий жавобгарлик бўлиб, беш йилгача озодликдан маҳрум қилиш билан жазоланиши мумкин.
Аввалроқ номи ошкор этилмаган Англия терма жамоаси собиқ футболчиси собиқ севгилисини зўрлашга уринишда гумонланиб қўлга олингани хабар қилинганди. Кэрролл 2010 йилдан 2012 йилгача терма жамоада ўйнаган.
