Германиянинг "Вольфсбург" клуби шарафини ҳимоя қилаётган даниялик машҳур ярим ҳимоячи Кристиан Эриксен ҳозирги замондаги футбол ҳақида фикр билдирди.
"Футбол бироз ўзгарди: энди унда статистика, GPS, юқори тезликда югуриш, рақамларни ҳисоблаш анча кўпайди. Ўйиннинг ўзига камроқ эътибор берилади. Биз дриблинги бор кўплаб футболчиларни йўқотяпмиз", - дея хавбекнинг сўзларини келтиради The Times.
Эриксеннинг қўшимча қилишича, ҳозир футболчига ёрқин индивидуал хусусиятларни намойиш этиш эмас, балки тизимга мослашиш муҳим.
Жорий мавсумда 33 ёшли ярим ҳимоячи "Вольфсбург" сафида 13 та ўйинда майдонга тушиб, 3 та голли узатмани ўз ҳисобига ёздириб қўйди.
