Germaniyaning "Volfsburg" klubi sharafini himoya qilayotgan daniyalik mashhur yarim himoyachi Kristian Eriksen hozirgi zamondagi futbol haqida fikr bildirdi.
"Futbol biroz o‘zgardi: endi unda statistika, GPS, yuqori tezlikda yugurish, raqamlarni hisoblash ancha ko‘paydi. O‘yinning o‘ziga kamroq e’tibor beriladi. Biz driblingi bor ko‘plab futbolchilarni yo‘qotyapmiz", - deya xavbekning so‘zlarini keltiradi The Times.
Eriksenning qo‘shimcha qilishicha, hozir futbolchiga yorqin individual xususiyatlarni namoyish etish emas, balki tizimga moslashish muhim.
Joriy mavsumda 33 yoshli yarim himoyachi "Volfsburg" safida 13 ta o‘yinda maydonga tushib, 3 ta golli uzatmani o‘z hisobiga yozdirib qo‘ydi.
