Агентлар "Реал" эркин агентларни сотиб олишни яхши кўришидан фойдаланишга интилмоқда. Сўнгги ҳафталарда Мадрид суперклубига Ибраима Конате, Дайо Упамекано ва Рубен Невеш таклиф этилди. Бу футболчиларнинг барчаси ёзда шартнома муддати тугаши сабабли янги жамоасига текинга ўтиши мумкин.
Қайд этилишича, "Реал" Конате, Упамекано ва Невешни трансфер қилишдан воз кечди. Бу ҳақда AS нашри саҳифаларида хабар берилди.
"Реал" ҳозирда Испания чемпионати турнир жадвалида иккинчи ўринда бормоқда. Хаби Алонсо жамоаси пешқадам "Барселона"дан 4 очко ортда қолмоқда. "Қаймоқранглилар" навбатдаги ўйинини 4 январь куни "Бетис"га қарши ўтказади.
