"Милан" ҳимоячиси Фикайо Томори клуб билан янги шартнома бўйича музокаралар ҳақида гапирди. 28 ёшли футболчининг "россонерилар" билан амалдаги келишуви 2027 йилнинг 30 июнига қадар мўлжалланган.
"Мен "Милан"да жуда бахтлиман. Бу жаҳон даражасидаги клуб. Мен ўз ўйинимга эътибор қаратаман, музокаралар билан эса агентим шуғулланади," - дея футболчининг сўзларини келтиради Фабрицио Романо.
2025/2026 йилги мавсумда Томори Италия чемпионати, кубоги ва Суперкубогида 17 та ўйинда майдонга тушиб, учта голли узатмани амалга оширди.
Футболчининг бозор нархи 20 миллион еврони ташкил этади. "Милан" таркибида Томори Италия чемпиони ва Суперкубоги соҳиби ҳисобланади.
