"Milan" himoyachisi Fikayo Tomori klub bilan yangi shartnoma bo‘yicha muzokaralar haqida gapirdi. 28 yoshli futbolchining "rossonerilar" bilan amaldagi kelishuvi 2027 yilning 30 iyuniga qadar mo‘ljallangan.
"Men "Milan"da juda baxtliman. Bu jahon darajasidagi klub. Men o‘z o‘yinimga e’tibor qarataman, muzokaralar bilan esa agentim shug‘ullanadi," - deya futbolchining so‘zlarini keltiradi Fabrisio Romano.
2025/2026 yilgi mavsumda Tomori Italiya chempionati, kubogi va Superkubogida 17 ta o‘yinda maydonga tushib, uchta golli uzatmani amalga oshirdi.
Futbolchining bozor narxi 20 million yevroni tashkil etadi. "Milan" tarkibida Tomori Italiya chempioni va Superkubogi sohibi hisoblanadi.













