"Ливерпуль" ҳамон қишки трансферлар вақтида "Борнмут" вингери Антуан Семеньони ўз сафига қўшиб олиши мумкинлигини истисно қилмаяпти.

Аввалроқ, "қизиллар" "Манчестер Сити"га ўтиши деярли ҳал бўлган ганалик учун баҳсдан чиқиб кетгани хабар қилинганди. Шунга қарамай, журналист Пол Хёрстнинг маълум қилишича, "Ливерпуль" ҳамон Семеньони ўз сафига қўшиб олишга қизиқмоқда. Битим тақдири 1 январь куни ҳал бўлиши мумкин: агар бу вақтга келиб "шаҳарликлар" трансферни ёпмаса, демак, бошқа даъвогарлар ҳали ҳам пойгада иштирок этмоқда.

Манбанинг таъкидлашича, "Манчестер Сити" бу борадаги саъй-ҳаракатларни фаоллаштирган ва яқин бир сутка ичида 25 ёшли футболчи билан янги музокаралар ўтказиб, у билан узил-кесил келишиб олади.