Мадриднинг "Реал" клуби ҳужумкор ярим ҳимоячи Франко Мастантунони ижарага бермоқчи эмас.
18 ёшли футболчига жорий мавсум якунига қадар ижарага олишни режалаштирган "Наполи" қизиқиш билдирмоқда, деб хабар беради Marca. "Қироллик клуби" Италиянинг амалдаги чемпионларига рад жавобини берди.
Франко Мастантуоно "Реал"га жорий йилнинг август ойида Аргентинанинг "Ривер Плейт" клубидан кўчиб ўтган эди. Футболчи "қаймоқранглилар" сафида 14 та ўйинда майдонга тушиб, биттадан гол ва ассист қайд этган. Машҳур Transfermarkt портали экспертлари янги юлдузнинг нархини 50 млн еврога баҳоламоқда, аргентиналикнинг амалдаги шартномаси 2031 йилгача мўлжалланган.
