"Аталанта" марказий ҳимоячиси Хонест Аханор Мадриднинг "Реал" клуби қизиқишлари доирасига тушиб қолди.
"Қаймоқранглилар" ҳимояни кучайтириш устида иш олиб бормоқда ва 17 ёшли ўсиб келаётган юлдузни трансфер мақсадлари рўйхатига киритиб бўлган. Журналист Экрем Конурнинг маълумотига кўра, испаниялик гранд нигериялик учун тахминан 40 млн евро таклиф қилишга тайёр. Футболчига "Бавария", "Арсенал", "Манчестер Юнайтед" ва "Челси" клублари ҳам қизиқиш билдирмоқда.
Хонест Аханор жорий мавсум "Аталанта"нинг 13 ўйинида майдонга тушиб, битта гол муаллифи бўлди. Машҳур Transfermarkt портали вундеркинднинг нархини 25 млн еврога баҳоламоқда.
