Ўтган ёзда "Челси"дан 35 миллион еврога сотиб олинган Кристофер Нкунку ниҳоят "Милан" сафида гол уришга эришди. 28 ёшли француз "Верона"га қарши баҳсда (3:0) икки бор рақиб дарвозасига йўл топди.
Ушбу ўйиндан сўнг "россонерилар" юлдузи Лука Модрич Нкункунинг ҳаракатларига баҳо берди.
"Нкунку гол уришга лойиқ эди, у машғулотларда жуда кўп ишлайди ва биз ҳаммамиз унинг қандай яхши ўйин қобилиятига эга эканлигини кўриб турибмиз. Барчамиз у учун жуда хурсандмиз, ҳужумчи учун голлар жуда муҳим," - дея Модричнинг сўзларини келтиради pianetamilan.it.
А Сериянинг навбатдаги ўйинида "Милан" 2 январь куни "Кальяри"га қарши майдонга тушади.
