"Барселона" ҳужумчиси Ламин Ямал Криштиану Роналдудан намуна олаётганини айтди.

Аввалроқ, 18 ёшли испаниялик футболчи Ла Лиганинг 23 ёшгача бўлган энг яхши футболчиси ва йилнинг энг яхши ҳужумчиси, шунингдек Диего Марадона номидаги совринларни қўлга киритган эди.

"Криштиану Роналду сингари футболчилар ўз мақсадларига эришдилар, чунки улар ўзлари бўлиб қолишни хоҳлаган ва ўзларини бошқалар билан солиштиришдан қочганлар," деди Ямал.

У ўзини ҳеч ким билан солиштиришни истамаслигини ва ўз йўлидан боришни режалаштирганини таъкидлади.

2025/2026 йилги мавсумда Ямал 20 та ўйинда иштирок этиб, 9 та гол урди ва 11 та голли узатмани амалга оширди. Футболчининг трансфер қиймати 200 миллион еврони ташкил этади.