"Манчестер Юнайтед" бош мураббийи Рубен Аморим қишки трансфер бозори ҳақида гапирди.
"Баъзан менда битта фикр бўлади, Жейсон Уилкокс ва директорлар кенгашида эса бошқа фикр янграйди.
Биз ҳар бир қарорда умумий тил топишимиз керак. Фақат мураббий учун ҳамма нарсани қила олмайсиз, чунки мураббийларни алмаштириш мумкин ва ҳоказо. Лекин шу билан бирга, мураббий жамоа қандай ўйнаши кераклигини яхши билади. Агар умумий тушунча бўлмаса, футболчи бу клубга келмайди.
Шунинг учун биз якдил қарорга интилишимиз керак. Биз ҳамма нарсани баҳолаймиз: футболчи қандай яшайди, қандай машқ қилади, унинг хусусиятлари қандай?", деди Аморим матбуот анжуманида.
