"Брюгге" марказий ҳимоячиси Хоэль Ордоньес келаётган йилда топ-клублардан бирига кўчиб ўтиши мумкин.
Истиқболли эквадорлик футболчига даъвогарлар сафига Англиянинг "Ливерпуль" клуби қўшилди. Журналист Льюис Стилнинг маълум қилишича, "қизиллар" 21 ёшли футболчини кузатиб бормоқда ва уни жорий мавсум якунлангач қўлга киритиш ҳақида ўйламоқда.
Transfermarkt талқинига кўра, "Брюгге"нинг ёш юлдузи 28 млн еврога баҳоланган, футболчининг Бельгия клуби билан амалдаги шартномаси 2029 йилгача мўлжалланган. Аввалроқ, матбуотда футболчига Миланнинг "Интер" клуби қизиқиш билдираётгани ҳақида хабарлар тарқалган эди.
