"Ливерпуль" ҳимоячиси Жо Гомес "Милан" қизиқишлари доирасига тушиб қолди.
Mail Sport журналисти Льюис Стилнинг маълум қилишича, "россонерилар" 28 ёшли футболчининг трансферига ҳамон қизиқиш билдирмоқда. Аммо "Ливерпуль" ўз футболчисига муносиб ўринбосар топмагунча уни қўйиб юбормайди.
Жо Гомес 2015 йилда "Чарлтон"дан беш миллион евро эвазига "Ливерпуль"га ўтган. Унинг шартномаси 2027 йилнинг 30 июнига қадар имзоланган. Ҳимоячи жорий мавсум "қизиллар" сафида барча мусобақаларда 12 та ўйинда майдонга тушиб, 2 та голли узатмани ўз ҳисобига ёздириб қўйди. Transfermarkt портали маълумотларига кўра, Гомеснинг нархи 15 миллион еврога баҳоланмоқда.
