"Кристал Пэлас" ҳимоячиси Максанс Лакруа фаолиятини топ-клубда давом эттириши мумкин.
Mail Sport журналисти Льюис Стилнинг маълум қилишича, 26 ёшли футболчини "Ливерпуль" ўз сафига қўшиб олмоқчи. Ҳимоячи "қизиллар"нинг шорт-листида бор. Шунингдек, Англиянинг амалдаги чемпионлари "Брюгге"дан Жоэль Ордоньес, "Сельта"дан Оскар Мингеса ва "Брентфорд"дан Натан Коллинз вариантларини кўриб чиқмоқда.
Максанс Лакруа 2024 йилнинг ёзида "Вольфсбург"дан 18 миллион евро эвазига "Кристал Пэлас"га ўтганди. Унинг шартномаси 2029 йилнинг 30 июнига қадар имзоланган. Жорий мавсумда француз "бургутлар" сафида 28 та ўйинда майдонга тушди ва 1 та гол ҳамда 2 та голли узатмага муаллифлик қилди. Transfermarkt портали Лакруанинг нархини 35 миллион еврога баҳоламоқда.













