"Наполи" "Фламенго"га ярим ҳимоячи Хорхе Карраскаль трансфери учун 20 миллион евро таклиф қилмоқда, дея хабар берди журналист Экрем Конур.
Манбага кўра, аввалроқ Бразилия клуби "Марсель"нинг 15 млн евролик таклифини рад этганди. Шунингдек, 27 ёшли колумбиялик футболчига "Вулверхэмптон" ҳам қизиқиш билдирмоқда ва у футболчини сотиб олиш ҳуқуқи билан ижарага олмоқчи.
Карраскаль 2025 йилнинг ёзида "Фламенго"га ўтди. Жамоа билан ноябрь ойида у Либертадорес кубоги соҳибига айланди. Унинг клуб билан шартномаси 2029 йилнинг июнь ойи охиригача мўлжалланган. Transfermarkt портали футболчининг нархини 9 миллион еврога баҳоламоқда.
