Лондоннинг "Арсенал" клуби вингери Леандро Троссард 2025 йилда Премьер-лигада жамоанинг энг яхши тўпурари ва ассистенти бўлди.
Сешанба куни бельгиялик футболчи "канонирлар"га "Астон Вилла"ни йирик ҳисобда мағлуб этишга ёрдам берди (4:1): 69-дақиқада унинг ўзи гол урган бўлса, 78-дақиқада Габриэль Жезусга ассистентлик қилди. Шу тариқа, Троссард Англия чемпионатининг 2025 йил якунлари бўйича "Арсенал"нинг энг яхши тўпурарлари (10) ва ассистентлари (9) рейтингида етакчиликни қўлга киритди, деб ёзади Squawka. Голлар ва самарали паслар сони бўйича иккинчи ўринни мос равишда Микель Мерино (9) ва Мартин Эдегор (8) эгаллади.
Микель Артета жамоаси 19-турдан кейин 45 очко жамғарган ҳолда йилни АПЛ турнир жадвалида пешқадам сифатида якунламоқда.
