Машҳур статистик портал Sofascore Франция Лига 1 чемпионатида 2025 йил учун рамзий жамоани тақдим этди.

Рамзий терма жамоага чемпионатда ўз позицияларида энг юқори баҳоларни олган 11 нафар футболчи киритилди. Таркиб 4-3-3 схемаси бўйича шакллантирилган.

Таъкидлаш жоизки, ушбу жамоадан «Пари Сен-Жермен»нинг 3 ўйинчиси ўрин олди. "Олтин тўп" соҳиби Усмон Дембеле рамзий жамоага киритилмади.

Рамзий жамоа қуйидагича:

Дарвозабон:
Жорже Петрович («Страсбург»);

Ҳимоячилар:
Адриен Трюффер («Ренн»), Лукас Бералдо («ПСЖ»), Алешандро («Лилль»), Арон Дённум («Тулуза»);

Ярим ҳимоячилар:
Андрей Сантос («Страсбург»), Витинья («ПСЖ»), Адриен Рабьо («Марсель»);

Ҳужумчилар:
Хвича Кварацхелия («ПСЖ»), Амин Гуири («Марсель»), Мэйсон Гринвуд («Марсель»).