Мадриднинг "Реал" клуби собиқ ярим ҳимоячиси Хамес Родригес МЛСга кўчиб ўтиш вариантларига эга. Marca нашри журналистлари тарқатган хабарга кўра, колумбиялик юлдуз футболчининг хизматларига Шимолий Америка чемпионатининг бир қатор клублари қизиқиш билдирмоқда.
Хамес Мексиканинг "Леон" клуби билан меҳнат шартномаси тугагани сабабли янги клубига текинга ўтади. 34 ёшли ярим ҳимоячи ушбу жамоада 2025 йил давомида тўп тепган.
Мексика чемпионатининг жорий мавсумида Родригес 14 та ўйинда иштирок этди. Ярим ҳимоячи ўз ҳисобига 3 та гол ва 2 та голли узатмани ёздириб қўйди. Футболчининг бозор нархи 2,5 миллион еврога баҳоланмоқда.
