Англия Премьер-лигасининг 19-турида Лондоннинг "Арсенал" клуби ўз майдонида Бирмингемнинг "Астон Вилла" клубини қабул қилиб, йирик 4:1 ҳисобида ғалаба қозонди.
Учрашув якунлангач, "канонирлар" устози Микель Артета испаниялик ярим ҳимоячи Мартин Субимендининг ўйинига баҳо берди.
"Мартин майдонда жуда муҳим бўлган позицияни ёпмоқда. Унинг ўйини алоҳида баҳога лойиқ. Бугунги учрашувда у ўзи яхши биладиган ишни қилди," - дея мутахассиснинг сўзларини келтиради Лондон топ-клуби матбуот хизмати.
Кечаги ғалабадан сўнг "канонирлар" очколарини 45 тага етказиб олди. Микель Артета шогирдлари энг яқин таъқибчисини 5 очкога ортда қолдириб, АПЛ турнир жадвалида пешқадамлик қилмоқда.
