Лондоннинг "Арсенал" клуби футболчиси Габриэль дос Сантос клуб рекордига бир қадам яқинлашди.

Бразилиялик футболчи сешанба куни "Астон Вилла"га қарши кечган ва лондонликларнинг 4:1 ҳисобидаги ғалабаси билан якунланган ўйинда гол урди. Габриэлнинг ҳисобида "канонирлар" сафида АПЛ доирасида киритилган 19та гол бор - бу клубнинг барча марказий ҳимоячилари орасида тарихдаги иккинчи кўрсаткичдир. Франциялик Лоран Косьелни (22) рекордчи бўлиб қолмоқда. Учинчи поғонада Томас Вермален - 13.

Габриэль дос Сантос "Арсенал" сафида 2020 йилдан буён тўп тепиб келмоқда. Англия чемпионатининг жорий мавсумида 28 ёшли футболчи 13 та баҳсда икки марта рақиблар дарвозасини ишғол қилди.