"Челси" бош мураббийи Энцо Маресканинг келажаги янада сўроқ остида қолди. Бу ҳақда 2025 йилнинг сўнгги кунида The Telegraph саҳифаларида чоп этилган материалда айтилади.
Сешанба куни "Борнмут"га қарши ўйинда (2:2) Маресканинг "Челси" мухлислари томонидан ҳуштакбозликка учраши вазиятни янада кескинлаштирди.
"Бу клуб хўжайинлари ва Мареска ўртасидаги муносабатлар ёмонлашаётгани фонида содир бўлмоқда ва барча белгилар унинг ёзда жамоани тарк этишини кўрсатмоқда - агар натижалар яхшиланмаса, эҳтимол ундан ҳам олдинроқ," - дейилади материалда.
"Челси" айни дамда турнир жадвалида бешинчи ўринда бормоқда. Мареска шогирдлари навбатдаги учрашувни 4 январь, якшанба куни "Манчестер Сити" меҳмони бўлади.
