Эрон чемпионатининг 10-тури доирасида "Сепахон" ўз майдонида Теҳроннинг «Истиқлол» клуби қабул қилди.

Баҳснинг 10-дақиқасида меҳмонлар пенальти тепиш ҳуқуқини қўлга киритишди ва Ясир Асани ундан фойдаланиб, ҳисобни очди.

Орадан 4 дақиқа ўтиб "Истиқлол" ҳимоячиси Рустам Ашурматов ўз дарвозасини ишғол қилиб қўйди ва ҳисоб тенглашди. Боз устига, Рустам 57-дақиқада сариқ карточка олди.

Учрашувнинг 73-дақиқасида Жалолиддин Машарипов захирадан майдонга туширилди. Ўйинга қўшиб берилган 3-дақиқада Исмоил Ғолизода гол уриб, "Истиқлол"га ғалаба келтирди.

Баҳснинг 90+6-дақиқасида негадир Машарипов захирага олинди.

"Истиқлол Теҳрон" эса ушбу ғалабадан кейин ўз очколарини 25 тага етказиб, жадвалда 3-ўринга кўтарилиб олди.