"Манчестер Сити" бош мураббийи Хосеп Гвардиола ярим ҳимоячи Родрининг ўйини ҳақида гапирди.

Испаниялик футболчи жароҳатидан тузалиб, сўнгги икки ой ичида илк бор майдонга тушди ва "Сандерленд"га қарши ўйиннинг танаффусида Нико Гонсалесни алмаштирди. Учрашувда ҳисоб очилмади.

"Родри ўйинни ўзгартирди. 45 дақиқа ичида у энг яхши бўлиб қолаётганини исботлади. Биринчи бўлимда муаммоларга дуч келдик, аммо Родри билан ҳаммаси осонлашди: чизиқлар орқали кўпроқ узатмалар билан ҳаракат яхшиланди. Бир ярим йилдан бери у бизга жуда керак эди, у жароҳатлардан азият чекмоқда. Умид қиламанки, энди у энг яхши ҳолатига қайтади - у билан биз жамоа сифатида анча кучлимиз," - деди Гвардиола интервьюсида.

Якшанба куни "шаҳарликлар" ўз майдонида "Челси"га қарши баҳс олиб боради.