"Комо" бош мураббийи Сеск Фабрегас "Челси"га тайинланиши билан боғлиқ миш-мишлар ҳақидаги саволга жавоб берди.
Пайшанба куни Лондон гранди Энцо Маресканинг кетишини эълон қилди. Унинг ўрнига номзодлардан бири сифатида "кўклар" сафида тўп тепган испаниялик мураббий кўрилмоқда.
- Бу борада айтадиган гапим йўқ. Мен ҳамон шу ердаман ва умид қиламанки, "Комо"да ҳали анча вақт ишлайман," - дея италияликлар билан амалдаги шартномаси 2028 йилнинг ярмигача мўлжалланган Фабрегаснинг сўзларини келтиради TMW.
"Челси"да Энцо Маресканинг ўрнини эгаллаши мумкин бўлган мураббий сифатида Франциянинг "Страсбург" клубидан Лиам Росеньор тилга олинмоқда.
